سعدان و جداوي.....وتستمر الحكاية ههههه

من طرف GERRARD الجمعة يناير 02, 2009 4:43 pm

بسم الله الرحمن الرحيم
اهلا ومرحبا بمشرفي واعضاء وزوار منتدى العزيزية
الى هذا الموضوع الجديد والمتجدد الذي سنتحدث فيه وفي قالب

هزلي عن السيد جداوي (مناجير المنتخب الوطني للتنقيب عن الاعبين بفرنسا )

وعن مهامه التي يقوم بها في الاراضي الفرنسية المحتلة من قبل العرب والافارقة وباقي الاجناس الاخرى...

وهنا نسرد لكم أطوار المكالمة التي جمعته بالسيد رابح سعدان المدير الفني للمنتخب الوطني الجزائري...

ملاحظة: السي سعدان راه في الشيراطون و السي جداوي راه توال برج ايفل( la tour eiffel ) مريح ومداير فيها قهوة ثقيلة.

السي رابح سعدان : ياو ياااو يااااو السلام عليكم يا الجداوي.

السي جداوي : !! bonjour...bonjour qui est avec moi ؟

السي رابح سعدان : ياو راك تبارلي لفرونسي يا الجداوي وما تخافش ... سمعنا شوي كلمات عرب رانا توحشنا نسمعوهم من فمك.

السي جداوي : اووووووووووه هذا انت يا راس مالي .. آه اسمحلي هذا انت يا عمي ربوحة !! واش راهي الدار واش راهم الذراري ...

السي رابح سعدان : ياو ماتقلي ني الدار ني ذراري ما تحشيلي ... كشما نVيGيت لاعبين ملاح ولا والو؟؟

السي جداوي : والله يا الشيخ راني لقيتلك زوج لاعبين يقلبو الدنيا ويفرحو الشعب ويدونا للمونديال نتاع 2010 ان شاء الله.

السي رابح سعدان : اعطيني CV نتاعهم سريعا.

السي جداوي : اسيدي باسم الله:

- الاعب الأول وسمو حمد بن أحمد من دوار( LES OISEAUX )لاعب كبير وعظيم ... حاليا راه عندو طابلة ( شمة دخان ) وراه

حاب يلتحق بصفوف المنتخب سريعا لتقديم الدعم الاضافي لخط الوسط وتزويد الاعبين أمثال صايفي بالشمة في الاوقات المناسبة

( آآآه عفوا تزويد الاعب صايفي بكرات ذهبية في العمق تحت الطابلة نتاع الدخان ).

السي رابح سعدان : هذا الاعب نسحقوه يا الجداوي ... راه عندو CV ملكبار ... زيد ابعثلي CV نتاع الاعب الثاني.

السي جداوي : الاعب الثاني وسمو : تيري البالو واجري موراه من دوار( LES AGRICULTEURS )لاعب شاب في مقتبل العمر (20 سنة )

ويحرث ارضية الميدان حريث ...حاليا راه يخدم ( ماصو ) ( بالا وبيوش ) وعندو سوابق عدلية مع القضاء الفرنشي بعدما ضرب دومينيك بـ مارطو

ورفض الالتحاق بصفوف المنتخب الفرنشي لأنه لديه وطنية خارقة للعادة وجزائري 100/100.

يلعب في خط الدفاع وتلقى جائزة نوبل للسلام فوق ارضية الميدان بسبب مزاجه الجزائري 100/100 حيث تلقى طوال مسيرته الكروية الممتدة بين سنتين

15 بطاقات حمراء ومن هذا نستنتج انه جزار جزائري في الدفاع ودمو سخون ومايحملش الذل...

وحاليا أعفي تماما من لعب كرة القدم ويريد العودة للواجهة من بوابة المنتخب الوطني الجزائري.

السي رابح سعدان : با با با با با الله الله عليك يا جداوي راك جبتلنا لاعب لاطلما كنا نحلم باش يحمل الالوان الجزائرية والشعب ضرك يفرح.

السي جداوي : الحمد الله اسيدي كي ستقنعت بهاذو الزوج ... ضرك راني نحوس نجيب زوج خرين وسيكونان قنبلة مونديال 2010 و رايحين نخليوهم مفاجعة للجمهور الجزائري....

السي رابح سعدان : مممممممممممم علابالي علابالي يا جداوي ... انا ضرك نروح ندي هذا لخبر سخون لجريدة الشروق كشما ناVيGيو معاها شوي صرف رقيق...

ايا دمت في رعاية الله وحفظه.

السي جداوي : ايا في لامان يا راس مالي (عفوا السي رابح )...

وكيما قالها موفمبيك ::

الفن الساخر يكتبه قلة وجهوره كثرة ولا يفهمه إلا من رحم ربي

ردودكم من فضلكم........تقيلوا تحياتى